ورشة مبادئ رسم الكوميكس - Comics drawing workshop
Gramophone-جرامافون

Du 23/11/2017 17h00 au 16/12/2017 19h00

Fuseau horaire : Cairo (GMT+02:00)

‎Gramophone-جرامافون‎
no.6, street 200 Degla, Maadi
02002 Cairo
Egypt
رسم الكوميكس (المانجا) او القصص المصورة نوع من الفن بيجمع بين الرسم والرواية والسينما ؛ قصة بيتم معالجتها وتتحول لمجموعة من اللوح الصغيرة بتترتب ورا بعضها وتدي نوع من الحركة اشبه بفيلم سينيمائي لكن مرسوم على الورق زي م عرفه الفنان ( ألدريك مكرم) ، بيخاطب جميع الفئات والأعمار ومنتشر في دول كتير من العالم، أحيانا بيساند فن الكاريكاتير في انه يعرض قضايا مجتمعية وسياسية بشكل ساخر، أحيانا بيتحول لأفلام كارتونية أو أنيميشن , أو مجلات بتخاطب الفئات العمرية كلها زي ميكي وتان تان والأبطال الخارقين زي سوبر مان وغيرهم كتير عاصرناه في مراحل مختلفة خلال حياتنا.
والغريب ان تاريخ نشأة فن زي ده بيرجع عمرها لعشرات الآلاف من السنين , لما بدأ الانسان البدائي يرسم قصته وتفاصيل حياته اليومية على جدران الكهوف، وبعدها سجل المصري القديم تفاصيل حياته الدنيوية وتصوراته الأخروية على جدران المعابد والمقابر، وسابولنا كدليل على ده النقوش والرسومات اللي عجز كتير من الفنانين انه يضاهيها او يوصل لسر جمالها ومتعتها الدائمة والمتجددة لحد عصرنا هذا.
وفي أواخر القرن التاسع عشر، بدأ ظهور ما يسمى بالأشرطة المصورة على استحياء اللي اتطورت إلى مجلات منتظمة الصدور وألبومات رائجة وروايات مصورة انطلقت لتغزو العالم كله، انفجر فن الكوميس او زي م اطلق عليه (الفن التاسع) بكل الأشكال والأحجام والألوان والمدارس وفي كل الاتجاهات،
ده مقال مكتوب بطريقه طريفة وبسيطة بلسان الفنان "شوقي المجنون" بيتكلم عن تاريخ فن الكوميكس في العالم ومصر والعالم العربي من الحضارة المصرية لحد تاريخنا هذا
https://desguide.com/%D9%81%D9%86-%D8%A7%D9%84%D9%83%D9%88%D9%85%D9%8A%D9%83%D8%B3-%D8%A3%D8%AD%D9%84%D9%89-%D8%A7%D9%84%D9%81%D9%86%D9%88%D9%86/
على مستوى المجتمع او الدولة النوع ده من الفن بيعكس ذوق الشعب و بيتكلم بطريقته وبيعبر عنه وبيناقش احواله بشكل طريف ومختلف وبسيط يوصل لكل فئاته وطبقات
ه
على المستوى الشخصي فبيقدر يدي مساحة للخيال الانساني انه يبدع في خلق حكايه بيصاحبه فيها شخصيات وأبطال وتفاصيل من الواقع احيانا ومن عالم الخيال احيانا , مساحة للتعبير عن حكايته او حكايات الناس حواليه يعكس من خلالها مشاكله او اهتماماته قضيته وافكاره حتى تفاصيل يومه البسيطة
مثلا Tijana Cvetić بتقول I Cope With My Everyday Problems By Drawing Comics
https://www.boredpanda.com/life-as-a-beautiful-struggle-depicted-in-short-comics/
او مثلا ERIN FELDMAN بتقول " I draw comics because they’re fun. They’re challenging. They indicate my passion for both the written word and the visual arts. They communicate my belief that both elements are necessary to sharing one’s story and to reaching one’s audience"
https://www.writerightwords.com/why-i-draw-comics/
باختصار شديد ده مفهوم وتاريخ فن الكوميس للناس اللي مجالهاش الفرصة تتعرف ع النوع ده من الفن بشكل منفصل ، والمهتم يقدر يقرأ اكتر عن فن المانجو او الكوميكس وأراء فنانين محترفين أو هاويين للكوميكس وسبب تعلقهم بالفن ده بالذات وازاي غير كتير من حياتهم ويتفرج على اعمال اشهرهم في مصر والعالم.
واحنا في جرامافون حبينا نتيح فرصة للي حابب يتعلم فن رسم الكوميكس , سواء للمبتدئين في الرسم ومعندهمش أي خلفية أو للي بيعرفو يرسمو بس مش عارفين يوظفوا موهبتهم او اللي مهتمين فعلا برسم الكوميكس بس مجاتش الفرصة يتعلمو ,
"ورشة لتعليم مبادئ فن الكومكس مع الفنان / محمد وهبة "
الفنان محمد وهبة الشناوى هو رسام مبدع يجسد الواقع فى اسكتشات، استطاع أن يلفت الانتباه إليه من خلال بروز موهبته وقدرته العالية على تجسيد رسومات الكوميكس التى تحاكى جوانب من حياة الناس، فتشعر وأنت تنظر إليها أنك ترى صورة تم التقاطها بكاميرا حقيقية وأن الصورة على وشك أن تتحرك، درس محمد وهبة فن الكوميكس وتدرب علي يد “كيم يونج جي” وهو معلم كورى يرسم بطريقة الاسكتشات في الشوارع، يحمل وهبه معه دائما ً الاسكتش والقلم ويبدأ في التعبير عن الموقف الذي يشاهده في شكل رسومات كوميكس.
درس الفنون الجميلة بشكل مستقل وأعماله تم عرضها في العديد من المعارض في موسكو والقاهرة. كما عقد معرض فردي في معهد غوته في القاهرة.
قام بالتدريس في مدرسة الجزويت للرسوم المتحركة في القاهرة.
النشر:
•2015 مجلة جراج، مصر
•2014 مجلة كومبو، مصر
•2012 مجلة بيج كوميك، مصر
•2015 كتاب
•2016 كتاب القاهرة
ممكن تتعرف عليه اكتر وتتفرج على اعماله من هنا : https://www.facebook.com/Mohamed-wahbas-art-277510229011609/
اما بالنسبة لتفاصيل الورشة :
مدة الورشة : 9 حصص
مدة الحصة ساعتين
معاد الورشة : كل سبت وخميس من الساعة 5 للساعة 7
التاريخ : هتبدأ من الخميس 23 نوفمبر وتنتهى الخميس 21 ديسمبر
الورشة لسن 18 فيما فوق
عدد المتدربين حد أدنى 5 وحد أقصى 10
سعر الورشة: 800 جنيه
محتوى الورشة :
اليوم الأول : التعارف
اليوم الثاني : رسم الوجه من زوايا مختلفة
اليوم الثالث : رسم انفعالات الوجه
اليوم الرابع : رسم الجسم من زوايا مختلفة
اليوم الخامس : رسم حركات الجسم
اليوم السادس : رسم المنظور
اليوم السابع : رسم المنظور
اليوم الثامن : كتابة الفكرة ورسم مشاهد القصة وتقسيم الصفحة
اليوم التاسع والاخير : الإخراج النهائي للقصة
تفاصيل الاشتراك :
الدفع للورشة بيكون مقدما ( كحد أقصى قبل بداية الورشة ب3 أيام ) عن طريق فودافون كاش للرقم 01000804928 , او تقدرو تزورونا وتدفعو في جرامافون
العنوان : فيلا 6 شارع 200 دجلة المعادي قريب من محطة مترو ثكنات المعادي وامام دار الحبايب للمسنين
في حالة الدفع عند الدخول بيزيد المبلغ 15 جنيه ده لإن العدد محدود فتأكيد الحجز ضروري
Source: www.facebook.com