Örlagasinfónía Beethovens
Harpa Concert Hall and Conference Centre

jeu. 01/03/2018 de 19h30 à 22h00

Fuseau horaire : Reykjavik

Harpa Concert Hall and Conference Centre
Austurbakki 2
101 Reykjavík
Iceland
Örlagasinfónía Beethovens er einhver kunnasta tónsmíð allra tíma. „Þannig knýja örlögin dyra“ á Beethoven að hafa sagt um upphafstónana frægu. Á þessum tónleikum hljómar sinfónían í túlkun norska hljómsveitarstjórans Eivinds Aadland en hann þykir ná frábærum árangri með hljómsveitinni.
Lettneska fiðlustjarnan Baiba Skride kom í fyrsta sinn til Íslands árið 2015 og lék konsert Beethovens af slíku listfengi að henni var umsvifalaust boðið aftur. Nú leikur hún sjaldheyrðan fiðlukonsert Schumanns, eitt síðasta verkið sem tónskáldið festi á blað. Konsertinn mátti bíða í meira en 80 ár þar til hann hljómaði í fyrsta sinn og það var ekki fyrr en fiðlusnillingurinn Yehudi Menuhin tók verkið upp á sína arma að það var tekið í tölu meistaraverka Schumanns. Nú hljómar þessi gleymdi konsert í fyrsta sinn á Íslandi.
Jónas Tómasson er mikilvirkt tónskáld og hefur meðal annars samið nokkrar sinfóníettur þar sem hann sækir innblástur í íslenska náttúru. Hér hljómar í fyrsta sinn Sinfóníetta II sem ber undirheitið „Laxárdalur – til Siggu“ og er tileinkuð Sigríði Ragnarsdóttur, eiginkonu tónskáldsins.
EFNISSKRÁ
Jónas Tómasson Sinfóníetta II
Robert Schumann Fiðlukonsert
Ludwig van Beethoven Sinfónía nr. 5, Örlagasinfónían
HLJÓMSVEITARSTJÓRI
Eivind Aadland
EINLEIKARI
Baiba Skride
Tónleikakynning í Hörpuhorni » 18:00
Source: www.facebook.com