Ravel og Prokofíev
Harpa Concert Hall and Conference Centre

jeu. 08/03/2018 de 19h30 à 22h00

Fuseau horaire : Reykjavik

Harpa Concert Hall and Conference Centre
Austurbakki 2
101 Reykjavík
Iceland
Ítalski fiðluleikarinn Nicola Lolli er tónelskum Íslendingum að góðu kunnur. Hann starfaði áður við Santa Cecilia-hljómsveitina í Róm en tók við stöðu konsertmeistara Sinfóníuhljómsveitar Íslands árið 2014. Nú kemur hann í fyrsta sinn fram sem einleikari með hljómsveitinni, í glæsilegum fiðlukonserti Prokofíevs frá árinu 1917 sem var hans afkastamesta ár. Sinfóníuhljómsveit Íslands hljóðritar á þessu starfsári tvær sinfóníur eftir Charles Gounod, eitt helsta óperutónskáld Frakklands á 19. öld. Sú síðari þeirra er mikilfengleg og með rómantísku ívafi, eins konar svar hins franska tónskálds við tónlist Schumanns.
Tónleikunum lýkur á hinu kraftmikla La valse eða Valsinum, þar sem Ravel teygir og togar tákn Vínarborgar í tónlistinni svo jaðrar við skrumskælingu, enda verkið samið skömmu eftir fyrri heimsstyrjöldina þegar enn var ekki gróið um heilt meðal hinna stríðandi þjóða. Sinfóníuhljómsveitin nýtur sín hér til fulls enda var Ravel einn snjallasti hljómsveitarútsetjari sem sögur fara af.
EFNISSKRÁ
Charles Gounod Sinfónía nr. 2
Sergej Prokofíev Fiðlukonsert nr. 1
Maurice Ravel La valse
HLJÓMSVEITARSTJÓRI
Yan Pascal Tortelier
EINLEIKARI
Nicola Lolli
Tónleikakynning í Hörpuhorni » 18:00
Source: www.facebook.com