اللقاء العاشر_ دردشة تربوية
بيان Bayan

sam. 30/12/2017 de 18h00 à 21h00

Fuseau horaire : Cairo (GMT+02:00)

‎Bayan بيان‎
Sayed Zakareya St. Sheraton Area, Cairo, Egypt
11799 Almaza
Egypt
لقاء مع ابني 👭👬👫👩👨👧👦👶
ورشة تربوية مع ابنائنا ومشاركتهم فى ورشة العمل
استكمالا لما بدأناه اللقاء السابق في ابني صديقي بناء علي رغبة الجماهير🙂 نعمل لقاء بين الأم وابنها أو الأب وابنه اللقاء ده حيفرق كتير في التواصل مع أولادكم حتفتحوا صفحة جديدة بيضاء وحنكتب فيها بالورود ونبني جسر التواصل والثقة والود والمحبة مع أولادنا ، وده معناه ابنك حيجي معاك يسمع ويعبر عن نفسه زي ما شايفاها💝
ملحوظة
اللي محضرش اللقاء السابق ( ابني صديقي) يقدر يجي برضو اللقاء مختلف عن اللقاء السابق، دمتم مربين صالحين😊
فى بعد كده وقت نسأل فيه عن اى امور تربوية 😊
التربية كلها تحديات، والحياة كلها ضغوط علشان كده هنتقابل مرة كل شهر نغطى أحد الهموم الى بتشغلنا.
ازاي أقدر أتعامل مع كل الضغوط دي من غير ما تؤثر علي الأولاد؟
ازاي اتعامل بثبات انفعالي مع الأولاد وازاي أدرب نفسي علي ده؟
أسئلة كتيييييييير !!
لو حصل ظروف (حزن - وفاة - مرض - مشاكل ) عندي في البيت ازاي ده لا يؤثر علي الأولاد؟
ازاي أخلي الولاد يحبوني كصاحبتهم ويحكولي كل حاجة؟
وايه الحاجات اللي بتخليني قريبة منهم ياتري اني ألبي احتياجتهم ولا مطالبهم وايه الفرق بين الاتنين؟
ازاي أقدر أعالج موجة الغضب خصوصا انها بتخليني عصبي جدا وانا كمان بكون غضبان؟
هل ممكن يبقي عندي مشكلة وأعالجها عند الاولاد ... مثلاً إني أكون مش بعرف أدافع عن حقي مثلا وعايزة اطلع الأولاد يعرفو يدافعو عن حقهم او بخاف من حاجة مش عايزة الولاد يخافو منها؟
ايه المساحة اللي ممكن نديها للولاد؟
امتي أستخدم كلمة ( لاء - ان شاء الله )؟
ازاي أحمل ابني المسؤلية الاجتماعية والعاطفية؟
ازاي الطفل بيفكر وازاي نقدر نفهمه؟
ازاي أقدر أستخدم المعلومات اللي الطفل بيقولها من غير اهانة ليه؟
ابني مش نافع معاه اي نوع من أنواع العقاب اعمل ايه؟
ناس كتير متدخلة في تربية اولادي أعمل ايه ( الجد - الجدة - والدة الاب اووالده - وغيرهم) إيه الحل؟
جوزي مش موجود انا بربي لوحدى... أتصرف إزاى؟
جوزي تربيته مختلفة عن تربيتي وديما مختلفين... إيه العمل؟
ابني مريض مرض ظاهري والناس اللي حواليه تظهر الشفقة ديما وبيسئلو كتير قدامه واصحابه بيسخرو منه ازاي اخلي الموضوع ده لا يؤثر علي نفسيته او يهز ثقته بنفسه؟

ازاي أوازن بين المدرسة وواجباتها وبين اني منفعلش علي ابني وأخليه يعيش حياته وطفولته مع المدرسة؟
---
لقاءنا مرة فى الشهر ننناقش معاً أحد القضايا الملحة فى تحديات التربية :)
المحاضر ... آمنة السعيد
- ماجيستير في تخصص "علم النفس الطفل"
- حاصله علي TOT من المركز العربي للتنمية البشرية
- استشاري تربوي ومدرب في جامعة Notting hill
- حاصلة على دورة من المركز الكندى للتنمية البشرية " د/ ابراهيم الفقى بعنوان
-Power of Energy and the path to the peak قوة الطاقة والطريق إلي القمة
- عضو فى مجموعة "آفاق" المعنية بإصلاح التعليم .
- حاصلة على دورة مشرف معتمد (تفكر) حسب منهج "تفكر مع أنوس" – للدكتورة / مها شحادة (الأردن )
- الحاصلة على دورة من الجمعية المصرية لتنمية قدرات الأطفال ذوى الاحتياجات الخاصة بعنوان :
Road Map to Positive Behavior خارطة الطريق نحو سلوك إيجابي
منتظرينكم
����
قيمة الإشتراك 50 ج وتذهب تبرع لصالح نشاط الجمعية.
العدد محدود لحضور هذه الورش برجاء الإشتراك والحجز مبكراً
خصم 20% خاص للأزواج فى حالة رغبتهم الحضور معاً.
العنوان كما فى الخريطة أعلى :
مكتبة مسجد الصديق- شارع الشهيد سيد ذكريا، مساكن شيراتون هيليوبوليس بجوار المطار- مصر الجديدة القاهرة
إستمارة الحجز: زوروا موقعنا www.bayan-online.com
للإشتراك أوالإستعلام شرفونا بالإتصال: 01221901904
Source: www.facebook.com